شام پر امریکی اتحادیوں کے فضائی حملے میں 200 شہری شہید

مہر خبررساں ایجنسی نے العہد کے حوالے سے نقل کیا ہے کہ شام میں انسانی حقوق کی تنظیم نے اعلان کیا ہے کہ شام پر امریکی اتحادیوں کے حملے میں 200 سے زائد شہری شہید ہوگئے ہیں۔ انسانی حقوق کی تنظیم کے مطابق امریکی اتحاد الرقہ اور اس کے اطراف میں بمباری کررہا ہے جس کے نتیجے میں دہشت گردوں کے بجائے عام شہری ہلاک ہورہے ہیں۔ انسانی حقوق  کی تنظیم کے مطابق امریکی اتحاد کے حملے میں 60 بچے اور عورتیں بھی جاں بحق ہوئی ہیں۔ امریکی اتحاد میں سعودی عرب ، قطر ، امارات اور ترکی بھی شامل ہیں۔